BugandaWatch
BugandaWatch
Breaking News
Abagobeddwa mu K2 Telecom tebamanyi oba banasasulwa emisaala gyebabanja okuva mu October
Omusasi wa BugandaWatch alondoola ensonga z’abakungu be Mengo okukozesa...
Olukiiko lwa Buganda lutandise okufanana ng’ekanisa z’Abalokole
 Nga 22 January 2018, Katikkiro Mayiga...
Mu December wa 2017 Mayiga yasuubiza nti Kasubi wakuggwa mu 2018, naye abakozi bakeera kunyuma mboozi
Katikkiro Charles Peter Mayiga lweyasemba okulambuza bannamawulire omulimu gw’okuzaawo...
K2 Telecom yaggwa Kiwalabye ne Kawooya Mwebe nebagidduka, Mayiga ayagala Airtel emuweemu kyemuwa
Nga 25 January 2018, BugandaWatch yafuna amawulire okuva mu...

Ba ssebo ne ba nnyabo abasomi ba BugandaWatch, nze Joe Muyanja. Nsibuka Mukono, mu ssaza lye Kyaggwe era taata wange, jja wange, ne jjajja wa taata bonna bagenzi abagalamidde awo ebbanga ntono okuva olwe Bugerere welukoonera ku luva e Kampala okudda e Lugazi.  Ndi Musajja Muganda eyeddira Nakinsige. Omukadde anzaala ye Muky. Zawedde omulungi owe ffumbe era nga yetulidde awo e Mukono.

Omubiri ggwange guli mu America naye omwoyo gusula Mukono. Ate omutima gukubira ku nsonga ya kwegobako ba nnamawanga abawamba Kabaka waffe nebatabangula ebika ne Ennonno zaffe. Nebatusasulamu ebeera yobwaavu, obujama, okukola gadibe ngalye, endwadde, omululu gwa ssente, obutitiizi, obuteloworeeza, okuggwa ensonyi, obutawemuka, obulyaake nokulagajjalira obuvunanyizibwa bwetulina eri abaana baffe nabazzukulu.

Neebaza nnyo abakulu ba BugandaWatch okumpa omukisa guno mbagabanyizeeko, mmwe abasomi baabwe, ku bintu byentera okuteeka mu email zempandiikira mwanyinaze omuto Namayega, asomesa e Buganda, okumuzimba. Mwanyize naye yakkiriza okugabana na mmwe naye nasaba nti tukozese mannya gaffe ga kika gokka, okwewala ebizibu ku mulimu gwe. Abakulu ba BugandaWatch kino baakikirizza era nebakakasa nti ekyama kyaffe balifa nakyo.

Namayega mbadde muwandiikira emirundi nga 2 oba 3 buli mweezi. Kati nja kuwandiika omulundi gumu buli week, nga emboozi ngiteekamu ebirowoozo byange ku kintu kimu oba bibiri ebikulu byendaba wano mu America, e Buganda oba mu Uganda.  Ebirowoozo byange nga mbyesigamya ku byemmanyi, byensoma, ne byempulira okuva mu nsi zino essatu nendala.

Mu kutendekebwa kwange, nakuguka mu tekinologia wa Data Science naye nsuubira nti munasiima ebiva mu kusoma,  okunonyereza, okuwuliriza, okutunulira nokwebuuza bye nzize nkola ku byafaayo ne ensonga za Buganda okuviira ddala ku mulembe gwomutemu Idi Amin Dada nga ndi mu P 2. Nnamwe mumpabule nokunjigiriza nga muwa ebirowoozo bya mmwe ku baluwa zange.

Ebaluwa zange zijja kufulumanga ku buli lunaku lwa Sunday. Kubanga  ennaku za 8 October 2017 ne 9 October 2017 zakayita, ebaluwa yange esooka, eya 15 October 2017, egenda kukwaata ku nsonga zokwefuga kwa Buganda nokwefuga kwa Uganda.

Awangaale Kabaka

© Joe Muyanja

Please share this...Share on FacebookTweet about this on TwitterShare on Google+

Comments are closed.