BugandaWatch
BugandaWatch
Breaking News
Abagobeddwa mu K2 Telecom tebamanyi oba banasasulwa emisaala gyebabanja okuva mu October
Omusasi wa BugandaWatch alondoola ensonga z’abakungu be Mengo okukozesa...
Olukiiko lwa Buganda lutandise okufanana ng’ekanisa z’Abalokole
 Nga 22 January 2018, Katikkiro Mayiga...
Mu December wa 2017 Mayiga yasuubiza nti Kasubi wakuggwa mu 2018, naye abakozi bakeera kunyuma mboozi
Katikkiro Charles Peter Mayiga lweyasemba okulambuza bannamawulire omulimu gw’okuzaawo...
K2 Telecom yaggwa Kiwalabye ne Kawooya Mwebe nebagidduka, Mayiga ayagala Airtel emuweemu kyemuwa
Nga 25 January 2018, BugandaWatch yafuna amawulire okuva mu...

Amawulire agaakava e Kasubi Nabulagala mu masiro ga ba Ssekabaka ba Buganda ssi malungi. Nga entabwe eva ku mulimu gw’okuzaawo Muzibu Azaala Mpanga okutambula akasoobo nate. Era nga kizzeewo kubanga abakozi abaziimbi obudde obusinga babumalira mu nnimiro zaabwe ku bwaabwe ze bakola munda mu Masiro.

Mu Agusito wa 2017, Mw. Jonathan Nsubuga, akulira omulimu gw’okuzaawo amasiro, yatuuza abakozi abazimbi n’abalabula obutadda mu nnimiro kulima era n’okwewala okujja ku mulimu nga batamidde (Soma: Kasubi Royal Tombs workers happy after site manager appears from months of hiding to pay them). Naye, okusinziira kubamanyi ebifa e Kasubi, Mw. Nsubuga olwasimbula okuva mu masiro, abakozi abamukakasa nti, “Nga bwotusasudde amabanja, ssebo omulimu tugenda kuguddusa mbiro,” ate nebeddirayo mu nnimiro zaabwe kwelimira. Mungeri yeemu, bangi bakyajja nga batamidde.

Obujeemu bw’abazimbi eri Mw. Jonathan Nsubuga, bunyigiddemu n’Abazaana abazze bakuuma amasiro mu buwangwa okuva mu mwaka 1884. Anti ebibanja by’abwe kwe babadde balimira okumala emyaka egisukka mu 130, abazimbi abaajemeera Mw. Nsubuga nabo kwebalimira. Omusasi wa BugandaWatch yakitegeddeko nti ate n’okubbibwa kw’emmere y’Abazaana okuva obutereevu mu nnimiro z’Abazaana nakwo kweyongedde obungi wabula nga bakyalemeddwa okutegeera ani akikola.

Embeera eri e Kasubi ekontana n’Omuwanika wa Buganda, Mw. Wagwa Nsibirwa, byeyategeeza Olukiiko lwa Buganda mu Julayi wa 2017, nti okumaliriza amasiro ga ba Ssekabaka kijja kuba n’enkizo ku mirimu emilara egiri mu bajeti ya 2017/2018 ey’obuwumbi 74 Mengo gyeyayanjula.

Please share this...Share on FacebookTweet about this on TwitterShare on Google+
  • Lt Baziira

    Nowulira obwononefuu era Obugwagwaa…Tetujja kukirizaa bintu ebyo, Era mwerinde!!!