BugandaWatch
BugandaWatch
Breaking News
Abagobeddwa mu K2 Telecom tebamanyi oba banasasulwa emisaala gyebabanja okuva mu October
Omusasi wa BugandaWatch alondoola ensonga z’abakungu be Mengo okukozesa...
Olukiiko lwa Buganda lutandise okufanana ng’ekanisa z’Abalokole
 Nga 22 January 2018, Katikkiro Mayiga...
Mu December wa 2017 Mayiga yasuubiza nti Kasubi wakuggwa mu 2018, naye abakozi bakeera kunyuma mboozi
Katikkiro Charles Peter Mayiga lweyasemba okulambuza bannamawulire omulimu gw’okuzaawo...
K2 Telecom yaggwa Kiwalabye ne Kawooya Mwebe nebagidduka, Mayiga ayagala Airtel emuweemu kyemuwa
Nga 25 January 2018, BugandaWatch yafuna amawulire okuva mu...

Mutabani w’omumbejja era minisita wa Kabaka eyawummula, Owek. Sewava Sserubiri Walungama yeyabadde omugenyi omukulu ku mukolo  abayizi ba Baganda Nkobazambogo Students Association (BANKOSA), Eden High, Kasangati, mwebakyusirizza obukulembeze. Abayizi era babadde bajaguza emyaka 5 egya Nkobazambogo mu ssomero lyabwe. Mutebi Benon owe Mmamba yeyalayizibbwa kubwa ssentebe, okudda mu bigere bya Senkumba Joel ow’Omusu.

Owek. Sewava Sserubiri

Bweyabadde ayogerako eri abavubuka, Owek. Sserubiri yababuliridde okwewala eby’amasanyu n’okwebuzabuza nga bali mu ssomero, ekibaviriddeko okusoma obubi n’abalala okuwanduka olwo nebafuuka ab’obulabe eri abalala. Yayongeddeko nti abazadde balumwa nnyo okulaba nga abaana baabwe bali mu mbeera etesanyusa ate nga belekereza nnyo okubaweleera.

Mu kuwunzika, Sewava yagambye nti Buganda erina essuubi ddene nnyo mu bavubuka nga bbo. Kubanga bo basomye mu ssomero eddungi, bebateekwa okusomesa abo abatamanyi, okuwolereza abanaku, okuwandiikira abatasobola kwewandiikira n’okwogerera abatalina ddoboozi.

Abamu ku bayizi ba Eden High School

Mu balala abetabye ku mukolo guno ogw’ekitiibwa, kwabaddeko banna Nkobazambogo okuva mu matendekero amalala, abasomesa, awamu n’abazadde ba bayizi.

Please share this...Share on FacebookTweet about this on TwitterShare on Google+

Comments are closed.