BugandaWatch
BugandaWatch
Breaking News
Abagobeddwa mu K2 Telecom tebamanyi oba banasasulwa emisaala gyebabanja okuva mu October
Omusasi wa BugandaWatch alondoola ensonga z’abakungu be Mengo okukozesa...
Olukiiko lwa Buganda lutandise okufanana ng’ekanisa z’Abalokole
 Nga 22 January 2018, Katikkiro Mayiga...
Mu December wa 2017 Mayiga yasuubiza nti Kasubi wakuggwa mu 2018, naye abakozi bakeera kunyuma mboozi
Katikkiro Charles Peter Mayiga lweyasemba okulambuza bannamawulire omulimu gw’okuzaawo...
K2 Telecom yaggwa Kiwalabye ne Kawooya Mwebe nebagidduka, Mayiga ayagala Airtel emuweemu kyemuwa
Nga 25 January 2018, BugandaWatch yafuna amawulire okuva mu...

Minisita wa Kabaka ow’a bavubuka eyawummula, Owek. Florence  Bagunywa Nkalubo, olwavudde mu lukungaana lwa Ttabamiruka mu America, yetabye ku mukolo gw’okukyusa obukulembeze bwa Baganda Nkobazambogo mu Kampala International University (KIU) Kansanga mu Kyaddondo. Omukolo gwabaddewo nga 16 September 2017 ku ssettendekero lya  KIU. Tebusweke  Ivan  Maswanku ow’Olugave yeyalayizibbwa nga Ssentebe omugya. Yazze mu bigere bya Katongole Ronald eyeddira Ente.

Bweyabadde ayogerako eri  abavubuka, Owek. Bagunywa yategeezeezza nti yayitibwa mu Ttabamiruka wa Ggwangamujje NY/NJ eyaliwo okuva nga 1 September 2017 okutuuka nga 4 September 2017, okwogera ku  kutema evvuunike ku Buganda obw’enkya. Yategeeza nti  olukiiko lwakaanya nti essubi  ly’okuzimba Obuganda Obw’Enkya liri mu bavubuka. N’olw’ensonga eyo, banna Ttabamiruka baasalawo okuwagira abavubuka abakola emirimu egitali gimu egitukira mu Buganda Obw’Enkya.

Abakulembeze ba BANKOSA , KIU

Yawadde abavubuka ba Nkobazambogo amagezi okutandika okukola entegeka z’emirimu enambulukufu mu buwandiike (proposals) ezitukaana n’okuzimba Obuganda Obw’Enkya ate n’okuwa abavubuka obukugu obusasula ku mutindo ogwawaggulu. Nanyonnyola nti proposal eziwa abavubuka obusobozi okuddukanya Obuganda Obw’Enkya awamu n’okunyeeza Namulogo banna Ttabamiruka betegefu okuziwagira n’amanyi.

Mu balala abetabye ku mukolo kuliko, minister wa Kabaka ow’abavubuka eyasooka, Owek. Sewava Sserubiri, Omulangira James Wasajja, omukiise w’abavubuka mu Lukiiko lwa Buganda, Owek. Sylvia Kirabira, abazadde ne banna Nkobazambogo okuva ku matendekero amalala.

Please share this...Share on FacebookTweet about this on TwitterShare on Google+

Comments are closed.